Good News: ग्रॅज्युएशन आणि पोस्ट ग्रॅज्युएशनच्या मुलींनाही मिळणार Maternity Leave

https://ift.tt/31Zjoar

Maternity Leave: लग्न झाल्यानंतर किंवा आई झाल्यानंतर अभ्यासापासून दूर राहावे लागणाऱ्या स्त्रियांची मोठी संख्या आपल्या देशात आहे. यामुळे अनेक मुलींचे ग्रॅज्युएशन (Graduation) किंवा पोस्ट ग्रॅज्युएशनचे (Post Graduation)शिक्षण अपूर्ण राहते. मातृत्वामुळे त्यांना अभ्यासापासून कायमचे दूर राहावे लागते. पण आता अशा महिलांसाठी एक आनंदाची बातमी आहे. विद्यापीठ अनुदान आयोग (University Grants Commission) म्हणजेच यूजीसीने () ने पदवी आणि पदव्युत्तर शिक्षण घेतलेल्या विद्यार्थिनींना मॅटर्निटी लिव्ह () देण्यासाठी मार्गदर्शक तत्त्वे (Guidelines) जाहीर केली आहेत. अशा विद्यार्थिनींना हजेरी, परीक्षा अर्ज भरणे इत्यादी वेळेच्या मर्यादेतही सवलत दिली जाणार आहे. विद्यापीठ अनुदान आयोगाच्या नोटिफिकेशननुसार, यूजीसी नियम २०१६ अंतर्गत, आतापर्यंत एमफिल (M.Phil) आणि पीएचडी (PhD) च्या विद्यार्थिनींना २४० दिवसांची मिळत आहे. यासंदर्भात यूजीसीचे सचिव प्रा. रजनीश जैन यांनी मंगळवारी सर्व विद्यापीठांना पाठवलेल्या पत्रात म्हटले, एमफिल आणि पीएचडीच्या विद्यार्थिनींप्रमाणेच आता पदवी आणि पदव्युत्तर विद्यार्थिनींनाही प्रसूती रजा देण्यात यावी. किती दिवसांची रजा असावी हे संस्था ठरवतील, त्यासाठी संस्था त्यांच्या स्तरावर नियम लागू करू शकतात. तथापि, विद्यापीठांनी दिलेल्या प्रसूती रजेचा कालावधी हा त्यांचा स्वतःचा निर्णय असेल. प्रत्यक्षात प्रसूती रजा न मिळाल्याने विद्यार्थिनी एमफिल आणि रिसर्चमध्ये पुढे येऊ शकल्या नाहीत. या निर्णयाचा सकारात्मक परिणाम होईल असा यूजीसीला विश्वास आहे. एमफिल,पीएचडी लग्न झाल्यानंतर करणाऱ्या विद्यार्थिनींनी सासरच्या घरी जाणे, शहर बदलणे यामुळे मध्येच अभ्यास किंवा अभ्यासक्रम सोडावा लागायचा. ही अडचण लक्षात घेऊन माजी शिक्षणमंत्री स्मृती इराणी यांनी हा नियम बदलला होता. त्याअंतर्गत अर्धा अभ्यासक्रम पूर्ण झाल्यानंतर शहर बदलल्यास विद्यार्थिनींना इतर विद्यापीठांमध्ये नव्याने प्रवेश घ्यावा लागणार नाही. उलट तोच कोर्स सुरु राहील. आता हे देखील एक पाऊल पुढे असून त्याचा सकारात्मक परिणामही आगामी काळात दिसून येईल, अशी आशा आहे.

from Career News in Marathi: Career News, मराठी Career बातम्या | Maharashtra Times https://ift.tt/3dVhwBO