UGC NET दुसऱ्या टप्प्यातील परीक्षेचे वेळापत्रक जाहीर

https://ift.tt/3qaA2vI

NET Timetable: नॅशनल टेस्टिंग एजन्सी (National Testing Agency, NTA) ने नेट परीक्षांचे दुसऱ्या टप्प्यातील परीक्षांचे वेळापत्रक (UGC Timetable) जाहीर केले आहे. एजन्सीने जाहीर केलेल्या वेळापत्रकानुसार, दुसऱ्या टप्प्यातील परीक्षा डिसेंबर २०२० आणि जून २०२१ सत्रांसाठी आयोजित केली जात आहे. ही परीक्षा २४ डिसेंबरपासून सुरू होईल आणि २७ डिसेंबरला संपेल. या परीक्षेला बसलेले विद्यार्थी अधिकृत वेबसाइट ugcnet.nta.nic.in वर परीक्षेचे संपूर्ण वेळापत्रक पाहू शकतात. या संदर्भात जाहीर करण्यात आलेल्या अधिकृत सूचनेनुसार, बंगाली, कन्नड, हिंदी आणि संस्कृत विषयांची परीक्षा २४ ते २७ डिसेंबर २०२१ दरम्यान होणार आहे. ही परीक्षा सीबीटी मोडमध्ये होणार असून दोन शिफ्टमध्ये घेतली जाईल. त्यानुसार पहिली शिफ्ट सकाळी ९ ते दुपारी १२ आणि दुसरी शिफ्ट दुपारी ३ ते ६ या वेळेत असेल. परीक्षेचा कालावधी १८० मिनिटांचा असेल. तसेच पेपर १ आणि पेपर २ मध्ये ब्रेक दिला जाणार नाही. दुसऱ्या फेजच्या उर्वरित ०२ नेट विषय (भूगोल आणि समाजशास्त्र) आणि फेज १ च्या ४ नेट विषयांच्या परीक्षा(सामाजिक कार्य, ओरिया, तेलगू) चक्रीवादळामुळे पुढे ढकलण्यात आल्या आहेत. एनटीएतर्फे या परीक्षांच्या तारखा अधिकृत वेबसाइटवर जाहीर केल्या जातील. उमेदवारांना कोणत्याही नवीन अपडेटसाठी अधिकृत वेबसाइटवर लक्ष ठेवण्याचा सल्ला देण्यात आला आहे. या परीक्षेची उत्तरपत्रिका लवकरच प्रसिद्ध केली जाणार आहे. त्यानुसार, विद्यापीठ अनुदान आयोग (UGC) तर्फे राष्ट्रीय पात्रता चाचणी (NET) २०२१ ची उत्तरपत्रिका अधिकृत वेबसाइट ugcnet.nta.nic.in वर प्रसिद्ध केली जाईल. उमेदवारांना यातील उत्तरावर आक्षेप असल्यास ते नोंदवू शकतात. यासाठी अर्जदारांना अधिकृत वेबसाइटवर लॉगिन करावे लागेल.

from Career News in Marathi: Career News, मराठी Career बातम्या | Maharashtra Times https://ift.tt/3yDqBc8