एकाच शाळेतील नऊ शिक्षक पॉझिटिव्ह; शाळा तात्काळ बंद करण्याचा निर्णय

https://ift.tt/32g6BAF

औरंगाबाद: राज्यभरात बंद करण्याच्या निर्णयाला विरोध होत असून, शाळा पुन्हा सुरू करण्याची मागणी होत असतानाच औरंगाबादमधून धक्कादायक माहिती समोर येत आहे. एका जिल्हा परिषदेच्या एकाचवेळी सहा शिक्षक आणि तीन शिक्षिका करोना पॉझिटिव्ह आढळून आले आहेत. त्यानंतर तत्काळ शाळा आठवडाभरासाठी बंद करण्याचा निर्णय घेण्यात आला आहे. अधिक माहिती अशी की,औरंगाबादच्या लाडसावंगी जिल्हा परिषद प्रशालेत इयत्ता पाचवी ते बारावीपर्यंत शिक्षणाची सोय असून, एकूण २१ शिक्षक, शिक्षिका कार्यरत आहेत. त्यामुळे करोना नियमावलीचे पालन करत विद्यार्थ्यांची पन्नास टक्के उपस्थितीत शाळा सुरू होती. तसेच एकदिवसाआड मुले आणि मुलींना शाळेत बोलवले जात होते. दरम्यान तीन शिक्षिकांनी १७ जानेवारी रोजी करोना टेस्ट केली असता त्यांचा रिपोर्ट पॉझिटिव्ह आला. यामुळे १८ जानेवारी रोजी उर्वरीत १८ शिक्षक शिक्षिकांची आरटीपीसीआर चाचणी केली असता, यातील सहा शिक्षक, शिक्षिका यांचा रिपोर्ट सहा पॉझिटिव्ह आला. शाळा बंद करण्याचा निर्णय.…. शाळेतील एकाच वेळी नऊ शिक्षकांचा करोना रिपोर्ट पॉझिटिव्ह आल्यामुळे विद्यार्थी आणि पालकांमध्ये भीतीचे वातावरण असून, खबरदारी म्हणून पुढील सात दिवस शाळा बंद ठेवण्याचा निर्णय घेण्यात आला आहे. तसेच करोना पॉझिटिव्ह आढळून आलेल्या शिक्षकांच्या संपर्कात आलेल्या विद्यार्थी आणि इतर शिक्षकांची करोना चाचणी सुद्धा करण्यात येत आहे.

from Career News in Marathi: Career News, मराठी Career बातम्या | Maharashtra Times https://ift.tt/32gzRHx