CAT 2021 परीक्षेत नापास झालात? काळजी करु नका, 'हे' पर्याय जाणून घ्या

https://ift.tt/3HD5sCk

CAT 2021: इंडियन इन्स्टिट्यूट ऑफ मॅनेजमेंट, अहमदाबाद () ने ३ जानेवारी रोजी कॉमन अॅडमिशन टेस्ट () चा निकाल जाहीर केला आहे. मॅनेजमेंट प्रवेश परीक्षेत उत्तीर्ण झालेल्या उमेदवारांना कॅट २०२१ (CAT 2021) पर्सेंटाइल आणि कॉलेजांद्वारे जाहीर केलेल्या कट-ऑफद्वारे मॅनेजमेंट महाविद्यालयांमध्ये प्रवेश मिळू शकेल. देशातील बहुतेक सर्वोत्कृष्ट महाविद्यालयांमध्ये किमान ९० टक्के कॅट स्कोअर आवश्यक आहे. या परीक्षेत अनेक विद्यार्थी उत्तीर्ण होऊ शकले नाहीत. पण अनुत्तीर्ण झालेल्या विद्यार्थ्यांनी निराश होण्याचे कारण नाही. यानंतरही तुमच्याकडे इतर अनेक पर्याय आहेत. एखाद्या उमेदवाराने ८५ ते ९० टक्के गुण मिळवले असतील, तरी त्याने आता देखील आयआयएम अहमदाबाद, आयआयएम लखनौ, आयआयएम बंगळूर आणि इतर बर्‍याच आयआयएम कॉलेजचे पात्रता कटऑफ क्लियर केले आहेत. आयआयएम हे अनेकांचे स्वप्न आहे. पण जर तुम्ही आयआयएममध्ये प्रवेश मिळवू शकत नसाल, तरीही तुमच्यासाठी पुढील संधी आहेत. त्या जाणून घेऊया. या प्रवेश परीक्षा द्या कॅट व्यतिरिक्त, इतर एमबीए प्रवेश परीक्षा आहेत. ज्या तुम्ही बी-स्कूलमध्ये देऊ आणि प्रवेश घेऊ शकता. आगामी एमबीए प्रवेशासाठी सीमॅट (CMAT), जीमॅट (GMAT), एसएनएपी (SNAP),मॅट (MAT), एटीएमए (ATMA),एमआयसीएटी (MICAT), केएमएटी (KMAT), टीस नेट (TISS NET) परीक्षा देऊ शकतात. तसेच राज्यस्तरीय एमबीए प्रवेशासह टीएस आयसीईटी (TS ICET), एपी आयसीईटी (AP ICET), कर्नाटक पीजीसीईटी (PGCET) साठी नोंदणी लवकरच सुरू होणार आहे. आयपीयू सीईटी (IPU CET), सीयूएसएटी (CUSAT), बीव्हीपी सीईटी (BVP CET), एसएएटी (SAAT), इत्यादी सारख्या विद्यापीठ-आधारित MBA प्रवेश परीक्षा देऊ शकतात. १ वर्षाचा MBA कोर्स पदवीची पात्रता आणि अनेक वर्षांचा कामाचा अनुभव आहे त्यांच्यासाठी एक वर्षाचा नियमित एमबीए प्रोग्राम हा एक चांगला पर्याय आहे. ऑनलाइन उपलब्धतेमुळे हा कोर्स भारतात हळूहळू लोकप्रिय होत आहे. इंडिया स्कूल ऑफ बिझनेस (ISB), इंडियन इन्स्टिट्यूट ऑफ मॅनेजमेंट (IIM), झेवियर स्कूल ऑफ मॅनेजमेंट (XLRI), इत्यादी आणि इतर संस्था एमबीए अभ्यासक्रम देतात.

from Career News in Marathi: Career News, मराठी Career बातम्या | Maharashtra Times https://ift.tt/3EPEx4g