SRPF Recruitment: राज्य राखीव पोलीस दलात भरती, जाणून घ्या तपशील

https://ift.tt/3qXDFWu

SRPF : राज्य राखीव पोलीस दल, मुंबई येथे विविध पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. राज्य राखीव पोलीस दलात भोजन सेवक (Food servant) आणि सफाई कामगार क्लिनर (Cleaner) पदाच्या एकूण ७ रिक्त जागा भरण्यात येणार आहेत. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. फूड सर्वंट आणि क्लिनर पदासाठी उमेदवाराचे वय १८ वर्षांपेक्षा कमी आणि ३८ वर्षांपेक्षा जास्त नसावे. निवड झालेल्या उमेदवारांना १५ हजार ते ४७ हजार ६०० रुपये पगार दिला जाणार आहे. खुल्या वर्गातील उमेदवारांना अर्ज करताना ३०० रुपये शुल्क भरावे लागेल. तर राखीव प्रवर्गातील उमेदवारांना १५० रुपये शुल्क भरावे लागेल. उमेदवाराला एका अर्जात दोन गटासाठी अर्ज करता येणार नाही. त्यासाठी स्वतंत्र अर्ज करावा लागेल. अर्जात आपली शैक्षणिक अर्हता नमूद करावी लागेल. निवड झालेल्या पदाचा कालावधी एक वर्षाचा असेल त्यानंतर शासनाच्या नियमानुसार तो वाढविला जाऊ शकतो. इच्छुक आणि पात्र उमेदवारांनी आपला अर्ज पोलीस कल्याण शाखा, राज्य राखीव पोलिस बल, गट क्र. ८, मुंबई येथे पाठवायचा आहे. २० जानेवारी २०२२ ही अर्ज पाठविण्याची शेवटची तारीख आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

from Career News in Marathi: Career News, मराठी Career बातम्या | Maharashtra Times https://ift.tt/3f0VI8D