युजीसीचे ऑफलाईन परीक्षेचे व्हायरल पत्र खरे की खोटे?, शिक्षणमंत्र्यांनी दिली माहिती

https://ift.tt/3rZOrgU

नुपूर पाटील | पुणे राज्यात यूजीसीतर्फे घेण्यात येणाऱ्या महाविद्यालयीन परीक्षांचे वेळापत्रक विद्यार्थ्यांच्या मोबाइलच्या माध्यमातून व्हायरल झाले. यामुळे विद्यार्थ्यांमध्ये संभ्रम पसरला आहे. ही परीक्षा ऑफलाईन होणार की ऑनलाईन? या संदर्भात मोठा संभ्रम विद्यार्थी आणि पालक यांच्या मनात निर्माण झाला होता. परंतु राज्याचे उच्च व तंत्रशिक्षण मंत्री उदय सामंत यांनी पुण्यात यासंदर्भात खुलासा केला. ते पुणे विद्यापीठाच्या ११९ व्या पदवीप्रदान समारंभासाठी पुण्यात आले होते यावेळी त्यांनी माध्यमांशी संवाद साधला. सध्या जे घ्यावी या संदर्भात सोशल मीडियावर एक पत्र व्हायरल होत आहे. या संदर्भात उच्च व तंत्र शिक्षण मंत्री उदय सामंत यांनी कुलगुरूंशी संवाद साधून खात्री केली त्यावेळी 'ते' पत्र खोटे असल्याचे त्यांनी स्पष्ट केले आहे. त्यामुळे राज्यातील महाविद्यालयांच्या परीक्षा ऑनलाईन आणि ऑफलाईन घेण्याचे पर्याय उपलब्ध असून जिथ शक्य असेल तश्या प्रकारे परीक्षा घ्याव्यात असे ते म्हणाले. राज्यभरात परीक्षांचा गोंधळ सुरु आहे. कुठे पेपर फुटले आहेत तर कुठे वेगवेगळे घोटाळे झाले आहेत. परीक्षांमधील हा गोंधळ पाहता परीक्षा घेणाऱ्या यंत्रणा अधिकच सक्षम करायला हव्यात असे देखील उदय सामंत यावेळी म्हणाले. ज्या विद्यार्थ्यांना लसीचे दोन डोस मिळाले आहेत ते ऑफलाइन परीक्षेसाठी पात्र असतील. ज्या विद्यार्थ्यांचे लसीकरण झालेले नाही ते ऑनलाइन परीक्षा देऊ शकतात. चाचणीसाठी विद्यार्थ्यांसमोर दोन्ही पर्याय उपलब्ध आहेत. मात्र, सोशल मीडियावर व्हायरल झालेले यूजीसीचे पत्र खोटे आहे.अशा अफवांवर विश्वास ठेवू नका असे स्पष्ट आवाहन उदय सामंत यांनी विद्यार्थ्यांना केले. तिसऱ्या लाटेची चिंता वाढली आहे. त्यामुळे वसतीगृह अद्यापही बंदच आहेत. ओमायक्रोनचा संसर्ग वाढल्यास वसतिगृह पुन्हा क्वारंटाईन सेंटरमध्ये बदलले जाऊ शकते. म्हणून वसतीगृहांचा निर्णय अजूनही घेण्यात येणार नसल्याचे उदय सामंत यावेळी म्हणाले.

from Career News in Marathi: Career News, मराठी Career बातम्या | Maharashtra Times https://ift.tt/3lWa0es