Government Job: इलेक्ट्रॉनिक्स कॉर्पोरेशनने भरती, जाणून घ्या तपशील

https://ift.tt/3pUd7ES

ECIL : इलेक्ट्रॉनिक्स कॉर्पोरेशनमध्ये (Electronics Corporation recruitment 2021) सरकारी नोकरी() शोधत असाल तर ही बातमी तुमच्यासाठी महत्वाची आहे. भारत सरकारच्या अणुऊर्जा विभागाच्या अंतर्गत सार्वजनिक क्षेत्रातील कंपनी ऑफ इंडिया (ECIL)मध्ये विविध पदांची भरती केली जाणार आहे. या भरतीसाठी अर्ज प्रक्रिया सुरु झाली असून उमेदवारांना ऑनलाइन माध्यमातून अर्ज करता येणार आहे. या अंतर्गत इलेक्ट्रॉनिक उत्पादन सेवा विभाग (EMSD)आणि इतर विभागांवर ५०० तांत्रिक अधिकाऱ्यांच्या भरतीसाठी (No.३९/२०२१) जाहिरात प्रसिद्ध करण्यात आली आहे. महामंडळाने जारी केलेल्या भरतीच्या जाहिरातीनुसार तांत्रिक अधिकाऱ्यांच्या या पदांवर कंत्राटी पद्धतीने भरती करावयाची आहे. ही भरती १ वर्षाच्या कालावधीसाठी असणार आहे. तसेच उमेदवाराच्या कामगिरीवर आणि प्रकल्पाच्या कालावधीनुसार हा कालावधी ५ वर्षांपर्यंत वाढविला जाऊ शकतो. पात्रता ECIL द्वारे जाहीर केलेल्या ( टेक्निकल ऑफिसर) भरती जाहिरातीनुसार, अर्ज करण्यास इच्छुक उमेदवारांनीमान्यताप्राप्त संस्थेतून विहित ट्रेडमध्ये ६० टक्के गुणांसह इंजिनीअरिंग पदवी उत्तीर्ण केलेली असावी. या ट्रेड्समध्ये इलेक्ट्रॉनिक्स आणि कम्युनिकेशन इंजिनीअरिंग, इलेक्ट्रिकल इलेक्ट्रॉनिक्स इंजिनीअरिंग, इलेक्ट्रॉनिक्स आणि इन्स्ट्रुमेंटेशन इंजिनीअरिंग, कॉम्प्युटर सायन्स इंजिनीअरिंग आणि इन्फॉर्मेशन टेक्नोलॉजी यांचा समावेश आहे. उमेदवारांना डिग्री मिळाल्यानंतर संबंधित ट्रेडमध्ये एक वर्षाचा कामाचा अनुभव असावा. याव्यतिरिक्त उमेदवारांचे वय ३० नोव्हेंबर २०२१ रोजी ३० वर्षांपेक्षा जास्त नसावे. याप्रमाणे अर्ज करा इच्छुक उमेदवारांनी अर्ज करण्यासाठी अधिकृत वेबसाइट ecil.co.in वर जा. होमपेजवरील भरती विभागात जा. संबंधित भरती जाहिरातीच्या लिंकवर क्लिक करा. नवीन पेजवरील लिंकवरुन नोटिफिकेशन क्लिक करा तसेच अर्जाच्या लिंकवर क्लिक करा. अर्ज काळजीपूर्वक भरा. सबमिट केल्यावर अर्ज डाऊनलोड करा आणि भविष्यातील उपयोगासाठी प्रिंट काढा. अर्जाची तारीख पदभरतीसाठी अर्जाची प्रक्रिया ११ डिसेंबरपासून सुरू झाली आहे . उमेदवारांना २१ डिसेंबर २०२१ रोजी दुपारी ४ वाजेपर्यंत अर्ज भरता येणार आहे.

from Career News in Marathi: Career News, मराठी Career बातम्या | Maharashtra Times https://ift.tt/3oNKjP0