Drawing Exams Online: एलिमेंटरी, इंटरमिजिएट परीक्षा ऑनलाइन

https://ift.tt/31MX3wQ

म. टा. प्रतिनिधी, औरंगाबाद कला संचालनालयातर्फे घेण्यात येणारी शासकीय रेखाकला परीक्षा ऑनलाइन घेण्यात येणार आहे. करोनारुग्णांची वाढती संख्या लक्षात घेऊन संचालनालयाने तयारी सुरू केली आहे. कला संघटनांनी याबाबत अनेक दिवसांपासून मागणी केली होती. कला संचालनालयातर्फे एलिमेंटरी व इंटरमिजिएट ड्रॉइंग ग्रेड परीक्षा घेण्यात येते. करोनामुळे मागील दोन वर्षांपासून परीक्षेच्या नियोजनात अडथळे निर्माण झाले. त्यात आता पुन्हा करोनाच्या रुग्णांची संख्या वाढत आहे. रुग्णसंख्या वाढत असल्याने शाळा, कॉलेजांचे वर्ग ऑनलाइन घेण्याबाबत सूचना आल्यानंतर परीक्षाही ऑनलाइन घेण्यावर भर असणार आहे. कला संचालनालयानेही परीक्षा ऑनलाइन घेण्याची तयारी सुरू केली आहे. संचालनालयाने पत्राद्वारे ही माहिती दिली आहे. उच्च व तंत्रशिक्षणमंत्री उदय सामंत यांनी सर्व परीक्षा ऑनलाइन पद्धतीने घेण्याबाबत सूचना केल्या आहेत. दहावीतील विद्यार्थी सवलतीच्या गुणांपासून वंचित राहू नये, यासाठी शासकीय रेखाकला परीक्षा संपूर्णत: ऑनलाइन पद्धतीने फेब्रुवारीच्या दुसऱ्या आठवड्यामध्ये घेण्याचे नियोजन करण्यात आले आहे. परीक्षेबाबतची माहिती व वेळापत्रक १८ जानेवारीपर्यंत कळविण्यात येणार आहे. एलिमेंटरी व इंटरमिजिएट परीक्षा ऑनलाइन पद्धतीने घेण्यात येणार असल्याने पेपर तपासणीची प्रक्रियेसाठीची तयारीही संचालनालयातर्फे करण्यात येत आहे. परीक्षक, समालोचक व उपमुख्य समालोचक यांच्याकडून ऑनलाइन माहिती घेतली जाणार आहे. कला शिक्षकांकडून निर्णयाचे स्वागत दर वर्षी सप्टेंबर महिन्यात शासकीय रेखाकला परीक्षा घेण्यात येते. परंतु, गेल्या दोन वर्षांपासून करोनाच्या प्रादुर्भावामुळे परीक्षांचे वेळापत्रक कोलमडले. यंदा ही परीक्षा फेब्रुवारीच्या दुसऱ्या आठवड्यात होणार आहे. परीक्षा उत्तीर्ण झालेल्या विद्यार्थ्यांना दहावीच्या परीक्षेत सवलतीचे गुण दिले जातात. यंदा परीक्षा घेण्याबाबत निश्चित होत नव्हते. त्यामुळे सवलतीचे गुण मिळतील की, नाही याबाबत साशंकता होती. मात्र, या निर्णयाचे कला शिक्षकांनी स्वागत केले आहे.

from Career News in Marathi: Career News, मराठी Career बातम्या | Maharashtra Times https://ift.tt/3r4Z28k