NYF2022: पंतप्रधानांच्या भाषणासाठी तरुणांना सूचना पाठविण्याचे आवाहन

https://ift.tt/3q7En4a

2022: स्वामी विवेकानंद यांच्या १५९ व्या जयंतीनिमित्त १२ जानेवारी रोजी २५ व्या राष्ट्रीय युवा महोत्सवाचे उद्घाटन पंतप्रधान नरेंद्र मोदी यांच्याहस्ते होणार आहे. केंद्रशासित प्रदेश पुद्दुचेरी येथे हा पाच दिवसीय महोत्सव होणार आहे. या निमित्ताने देशभरातील तरुणांना पंतप्रधानांच्या भाषणासाठी सूचना आणि नाविन्यपूर्ण कल्पना शेअर करण्याचे आवाहन करण्यात आले आहे. पंतप्रधान कार्यालयाच्या अधिकृत ट्वीटरवर यासंदर्भात माहिती देण्यात आली आहे. या माहितीनुसार, तरुणांनी दिलेल्या सूचनांचा समावेश पंतप्रधान आपल्या भाषणात करु शकतात. केंद्रीय मंत्री अनुराग ठाकूर यांचे आवाहन केंद्रीय मंत्री अनुराग ठाकूर यांनी राष्ट्रीय युवा महोत्सवाबाबत ट्विट शेअर केले आहे. यावेळी पंतप्रधानांच्या भाषणासाठी विचार आणि सूचना पाठविण्याचे आवाहन त्यांनी तरुणांना केले आहे. पंतप्रधान अशा कल्पनांच्या शोधात आहेत ज्या देशातील तरुणांसाठी सर्वोत्तम आहेत. पंतप्रधान युवा महोत्सवाच्या दिवशी त्यांच्या भाषणात वेगळ्या कल्पनांचा समावेश करतील. यासाठी इच्छुक तरुण पोर्टलवर येऊन त्यांचे विचार मांडू शकतात असे केंद्रीय मंत्र्यांनी आपल्या ट्वीटमध्ये म्हटले आहे. देशातील प्रत्येक जिल्ह्याचे प्रतिनिधित्व भारतातील प्रत्येक जिल्ह्याचे प्रतिनिधित्व करणारे युवक या कार्यक्रमात सहभागी होऊ शकतात. तरुणांना राष्ट्र उभारणीसाठी प्रेरणा देणे, संघटित करणे आणि उत्साही करणे हा राष्ट्रीय युवा महोत्सवाचा उद्देश आहे. शिखर परिषद भारतातील विविध संस्कृतींना एका व्यापक आणि संवादात्मक दृष्टिकोनातून एकत्रित करण्याच्या उद्देशाने १३ जानेवारी २०२२ रोजी 'एक भारत, श्रेष्ठ भारत' शिखर परिषदेचे आयोजन करण्यात आले आहे. ज्ञानाचा प्रसार करणे आणि बुद्धीमत्तेला आकार देण्यासाठी तज्ञांसह आयडिया एक्सचेंज युथ समिट सत्राचे आयोजन केले जाणार आहे. प्रोग्रामशी कनेक्ट होण्यासाठी तरुणांनी https://ift.tt/2ZliyQW या लिंकवर क्लिक करुन अर्ज भरणे आवश्यक आहे.

from Career News in Marathi: Career News, मराठी Career बातम्या | Maharashtra Times https://ift.tt/3r6Jxg7