TRAI मध्ये पदवीधरांची भरती, ६५ हजार ते दीड लाखांपर्यंत मिळेल पगार

https://ift.tt/3Fn6CQQ

jobs 2022: भारतीय दूरसंचार नियामक प्राधिकरण (Telecom Regulatory Authority of India, TRAI) ने सल्लागार (Consultants), वरिष्ठ सल्लागार (Senior Consultants) आणि यंग प्रोफेशनलच्या (Young Professionals) विविध पदांसाठी अर्ज मागविले आहेत. या रिक्त पदांसाठी TRAI ने नोटिफिकेशन() जाहीर केले आहे. या पदांसाठी पात्र आणि इच्छुक असलेले सर्व उमेदवार शेवटच्या तारखेपूर्वी अर्ज करू शकतात. शैक्षणिक पात्रता कन्सल्टंट इंटरनॅशनल रिलेशन्स डिव्हिजनसाठी अर्ज करणारा उमेदवार किमान ग्रॅज्युएट असणे आवश्यक आहे. सिनिअर कन्सल्टंट फायनान्शियल आणि विभागासाठी उमेदवार सीए/आयसीडब्ल्यूए/ कॉस्ट आणि मॅनेजमेंट यासोबतच संबंधित कामाचा २० वर्षांचा अनुभव आवश्यक आहे. सिनिअर कन्सल्टंट ब्रॉडकास्ट आणि केबल सर्व्हिस पदांसाठी अर्ज करण्यासाठी, बिझनेस अॅडमिनिस्ट्रेश/इकोनॉमिक्स/कॉमर्स/इंजिनीअरिंग/सायन्स/लॉ या विषयात मास्टर किंवा बॅचलर पदवी असणे आवश्यक आहे. सल्लागार (टेक) ग्रेड I पदांसाठी अर्ज करण्यासाठी उमेदवार ग्रॅज्युएट असणे आवश्यक आहे. यंग प्रोफेशनल पदांसाठी, टेक्नोलॉजीतील पदव्युत्तर/तंत्रज्ञान पदवी/कॉम्प्युटर सायन्स/इलेक्ट्रॉनिक्स/आयटी/टेलिकॉममधील इंजिनिअरिंग डिग्री आणि किमान तीन वर्षांचा अनुभव आवश्यक आहे. वयोमर्यादा वेगवेगळ्या पदांसाठी उमेदवारांसाठी वेगवेगळी वयोमर्यादा आहे. वयोमर्यादेशी संबंधित माहिती नोटिफिकेशनमध्ये देण्यात आली आहे. पगार कन्सल्टंट इंटरनॅशनल रिलेशन विभागात १ पद रिक्त असून त्यासाठी ६५ हजार रुपये पगार दिला जाणार आहे. सिनिअर कन्सल्टंट ब्रॉडकास्ट अॅण्ड केबल सर्व्हिसचे १ पद असून यासाठी दरमहा दीड लाख रुपये पगार दिला जाईल. सिनिअर कन्सल्टंट ब्रॉडकास्ट अॅण्ड केबल सर्व्हिसचे १ पद रिक्त असून त्यासाठी ८० हजार रुपये पगार दिला जाणार आहे. कन्सल्टंट (टेक) ग्रेड I चे १ पद भरले जाणार असून त्यासाठी ८० हजार रुपये दरमहा पगार दिला जाणार आहेत. तर यंग प्रोफेशनलचे १ पद भरले जाणार असून त्यासाठी ६५ हजार रुपये पगार दिला जाणार आहे. असा करा अर्ज TRAI मध्ये अर्ज करताना उमेदवारांना अर्ज भरुन आवश्यक कागदपत्रांसह दिलेल्या पत्त्यावर पाठवावा लागेल. फॉर्म पाठवताना, लिफाफ्यावर पोस्टचे नाव लिहिणे आवश्यक आहे. सिनिअर रिसर्च ऑफिसर (A&P) - भारतीय दूरसंचार नियामक प्राधिकरण, महानगर द्वार संचार भवन, जवाहरलाल नेहरू मार्ग (जुना मिंटो रोड) ), झाकीर हुसेन कॉलेजच्या पुढे, नवी दिल्ली - ११०००२ या पत्त्यावर आपला अर्ज पाठवायचा आहे. यासाठी उमेदवारांना TRAI च्या अधिकृत वेबसाइट www.trai.gov.in ला वर जावे लागेल. भरतीशी संबंधित अधिक तपशील वेबसाइटवर देण्यात आला आहे. यासाठी अर्ज प्रक्रिया सुरु झाली असून या पदासाठी इच्छुक आणि पात्र उमेदवारांना २७ जानेवारी पर्यंत अर्ज करता येणार आहे.

from Career News in Marathi: Career News, मराठी Career बातम्या | Maharashtra Times https://ift.tt/3nn5MNU