UPSC CAPF निकाल जाहीर, १८७ उमेदवार झाले उत्तीर्ण

https://ift.tt/3t3RRQe

UPSC CAPF Result 2020: केंद्रीय लोकसेवा आयोग म्हणजेच यूपीएससीने (Union Public Service Commission, UPSC) निकाल (UPSC Central Armed Police Forces, CAPF) ५ जानेवारी २०२१ रोजी घोषित केला आहे. या परीक्षेत एकूण १८७ उमेदवार उत्तीर्ण झाले. सहाय्यक कमांडंट पदासाठी अर्ज केलेल्या उमेदवारांना upsc.gov.in वर त्यांचा निकाल पाहता येणार आहे. याव्यतिरिक्त बातमीतल दिलेल्या स्टेप्स फॉलो करुन देखील निकाल पाहता येऊ शकतो. असिस्टंट कमांडंटचा निकाल पाहण्यासाठी सर्वप्रथम अधिकृत वेबसाइट- upsc.gov.in ला भेट द्या. त्यानंतर होमपेजवर UPSC CAPF २०२० निकालाच्या नोटिफिकेशनवर क्लिक करा. यानंतर एक नवीन PDF उघडेल. खाली स्क्रोल करुन गुणवत्तेवर आधारित निकाल यादी पाहता येणार आहे. निकाल डाऊनलोड करा. भविष्यातील संदर्भांसाठी निकालाची प्रिंट काढा. जाहीर केलेल्या नोटिफिकेशननुसार, सीएपीएफ २०२० (UPSC CAPF 2020) च्या एकूण १८७ अर्जदारांपैकी, सामान्य श्रेणीतील ५९ अर्जदार परीक्षेत पात्र ठरले आहेत. या व्यतिरिक्त, इडब्ल्यूएस श्रेणीतील २० अर्जदार, एससी आणि एसटीमधील अनुक्रमे ३५ आणि १८ अर्जदार परीक्षेत पात्र ठरले आहेत. त्याचबरोबर या भरती प्रक्रियेद्वारे एकूण २१० पदांची भरती केली जाणार आहे. यूपीएससी सीपीएफ (AC) लेखी परीक्षा डिसेंबर २०२० मध्ये घेण्यात आली होती. त्यानंतर ६ ते २४ डिसेंबर २०२१ या कालावधीत व्यक्तिमत्व चाचणीसाठी मुलाखती घेण्यात आल्या. एकूण २१० पदांपैकी ७८ पदे बीएसएफसाठी आहेत. याशिवाय सीआरपीएफसाठी १३, सीआयएसएफसाठी ६९, आयटीबीपीसाठी २१ आणि एसएसबीसाठी २९ पदांचा समावेश आहे. या भरतीसंबंधित अधिक माहिती उमेदवारांना अधिकृत वेबसाइटवर मिळू शकणार आहे.

from Career News in Marathi: Career News, मराठी Career बातम्या | Maharashtra Times https://ift.tt/3JIMWdj